Rơgao sa thun pơphun, khul čom puang ruah mă 64 tơlơi pơhing ba pơplông. Tui hăng tơlơi pơtong lăng, djop mơta tơlơi pơhing ba pơplông anai hơmâo kiăo tui djơ̆ akŏ bruă, čih tơlơi pơhing hmao kru ƀơi tơring čar, ƀuh rơđah lĕ kơ bruă mă hơmâo tơlơi tŭ ư hrom abih bang glông bruă kơđi čar ngă tui Hră pơtrun mơ̆ng ping gah tơring čar tal XII rơwang bruă thun 2020-2025 hăng djop gưl; akŏ pơdong, ƀư̆ pơkra ping gah, hrăm hăng hla tui tơlơi pơmin, pran jua, tơlơi dŏ dong ƀong huă mơ̆ng Hồ Chí Minh….lăi pơthâo djop bruă mă amăng tơlơi hơdip mơnuih mơnam.

Ƀơi mông jơnum jao pri, hơmâo apah bơni 36 tơlơi pơhing tŭ yua hloh, amăng anun 3 pri A, 9 pri B, 15 pri C, 9 pri pơsur pran jua; laih dơ̆ng, apah bơni kơ 2 grup mơnuih ngă hrom tŭ yua hloh amăng bruă pok pơhai pơplông.