Dak Nông amra pơhrŏ trun ƀiă biă mă ñu 20% mrô mơnuih mă bruă sit nik arăng iâu biên chế ƀong prăk blan mơ̆ng kơnuk kơna amăng 5 thun. Yă Nguyễn Thị Thu Hường, Khua Gơnong bruă čar tơring čar Dak Nông brơi thâo, tơring čar glăk ngă tui Tơlơi pơtrun mrô 18-NQ/TW djơ̆ hăng hrơi pơkă. Tui anun, tơring čar hơmâo laih hră pơ-ar pơđut hĭ bruă mă ƀơi 10 anom bruă gưl tơring čar; pơmut 10 gơnong bruă jing 5.

Bruă dưm dăp glăi anom bruă, mơnuih mă bruă, biă ñu ƀing khua ƀơi hơdôm anih pơmut hrŏm amra ngă bruă tơpă sit, lăi pơthâo rơđah, khut khăt ƀu pioh hơmâo tơlơi soh glăi, tơlơi pơmin klă mă hơjăn hơget ôh amăng anih mă bruă wơ̆t hăng amăng mơnuih mă bruă. Laih dong, hơdră dăp glăi hơmâo ngă djơ̆ hăng bruă kiăng ngă, bruă hơmâo jao, anih mă bruă mơ̆ng djŏp anom bruă kơnuk kơna hlâo hăng tơdơi kơ hơmâo dăp glăi.