Anai jing thun tal 2 na nao PCI Dak Nông đĭ 31 gưl, mơ̆ng mrô rơnuč jing dong amăng hơdôm boh tơring čar ƀôn prong ba akŏ, tŭ yap hơdôm tơlơi gir run mơ̆ng tơring čar amăng bruă pơplih anih tuh pơ alin sĭ mơdrô. Dak Nông ăt jing tơring čar hơjăn ñu yơh pơ Dap Kơdư dong amăng mrô 30 boh tơring čar ƀôn prong git gai bruă bơwih ƀong klă hloh mơ̆ng dêh čar. Anai jing boh than yôm biă mơ̆ng hlâo truh ră anai mơ̆ng tơring čar anai amăng bruă pơplih anih tuh pơ alin, sĭ mơdrô, pơđĭ tui mrô bơkơtưn, pơhno hrŏm amăng tơring čar.

Mrô jŭ yap PCI jing pơƀuh tơlơi gir run ƀu pơdơi mơ̆ng abih bang anom bruă kiăng hơmâo anih sĭ mơdrô klă amăng hơdôm thun giăm anai. Djŏp hră pơ-ar, hơdră djru, hơdră ngă pơhưč tuh pơ alin...lêng kơ hơmâo lăi pơthâo amăng plang điện tử mơ̆ng Jơnum min mơnuih ƀôn sang tơring čar hăng hơdôm gơnong bruă, khul grup./.