Tui hăng tơlơi lăi pơthâo mơ̆ng jơnum min mơnuih ƀôn sang tơring čar Dak Nông, Group sang măi mă hơdăng pơtâo eh pơsơi amăng gŭ lŏn Việt Nam iâu klah čun TKV dưi ơmâo Ding jum kông ngăn lŏn glai hăng ayuh hyiăng ngă brơi hră tŭ ư hơduah ĕp mă eh pơsơi Bauxit Nhân Cơ, tơring glông Dak Rlâp hăng kual lŏn 3.074 ha, amăng rơwang 30 thun. Truh ră anai, TKV hơmâo kuai ĕp, mă eh pơsơi Bauxit ƀơi kual lŏn 310 ha. Đơ đam lŏn anun ră anai, čuk pơdăo, pla kyâo keo kiăng rŭ glăi kyâo glai pơgang anih dŏ jum dar. Tui hăng tơlơi lăi pơthâo đơ đam lŏn jao ngă bruă truh abih thun pơkă kah brơi glăi kơ tơring čar.

Tui hăng Jơnum min mơnuih ƀôn sang tơring čar Dak Nông, hăng đơ đam lŏn kuai mă eh pơsơi Bauxit abih laih, pioh ba yua kơ bruă pơđĭ kyar bơwih ƀong huă prong pơkŏn kơ tơring čar hăng lŏn dron dŏ ră anai pioh akŏ pơjing anih anom pơkă hlâo, pơdong plơi pla ăt bơwih brơi kơ mă eh pơsơi  anun mơ̆n yua aka ƀu abih thun pơkă.