Hăng sa amăng hơdôm mơnuih hlăk ai klă ba jơlan hlâo, mă yua hơdră bơwih ƀong phrâo, ayong Y Luật Niê, djuai ania Êđê, ƀơi buôn Mnghĭ, să Yang Mao, tơring glông Krông Bông, tơring čar Daklak ră anai glăk pơlar hơdră pla lu mơta phun pla, rông lu djuai hlô. Ƀơi rơbêh kơ 2 ektar lŏn mơng sang anô̆, ñu pla plah lu djuai phun pla kah hăng dổi, kơ phê, sầu riêng, črik hăng klơi dơnao rông akan prong rơbêh kơ 100 met kơ rê pioh rông abao jŭ. Ñu dô̆ pơkĕ hrom ƀuôn sĭ phun pla, pơhrui blơi kơ phê akă krô kiăng hmâo dong prăk pơhrui glăi. Y Luật Niê lăi pơthâo: hăng sa čô mơnuih ping gah hlăk ai, kơjăp mơnuih mơng hơdôm bruă mă gah khul, grŭp ƀơi plơi pla, ñu hrăm tui klă biă, mă yua hơdôm hơdră phrâo, pơdah gru ba jơlan hlâo mơng mơnuih ping gah.

“Drơi pô kâo lĕ mơnuih ping gah hlăk ai jing hmâo tơlơi pơmin na nao amăng akô̆ lĕ, ping gah nao hlâo ană plơi kiăo tui tlôn. Drơi pô kâo ăt hyu čuă lăng mơn lu hơdră ngă amăng tơring čar pô hăng tơring čar pơkon, mơng anun glăi pơ̆ plơi mă yua amăng đang hmua pô, ƀuh bruă ngă hơpă tŭ yua lĕ pơtô brơi kơ neh wa gum ngă hrom”.

 Ăt kah hăng Y Luật, hơdôm hrơi rơgao, lu hlăk ai ƀơi să Yang Mao kơjăp pran jua mơng hơdôm bruă khul, grŭp hmâo lăi pơthâo hrăm hơdôm anih hơduah ĕp kơ tơlơi pơmin kơ Ping gah hăng jing mơnuih ƀôn sang mơbruă dưi pel ĕp pơmut brơi ñu mut ping gah. Amăng 7 thun rơgao, Ping gah să hmâo pơmut brơi laih giăm truh 90 čô mơnuih mut ping gah, mrô pơlar mơnuih ping gah rim thun leng kơ djơ̆ hăng lu hloh kơčăo bruă pơkă. Truh ră anai, să Yang Mao hmâo giăm truh 300 čô mơnuih ping gah jơnum ƀơi 18 grŭp Ping gah plơi pla hăng hơdôm bôh ƀirô, khul grŭp.

Ơi Trần Thế Thành, Khua git gai Ping gah să Yang Mao brơi thâo, tơnap tap hrom amăng bruă pơlar mơnuih ping gah ƀơi plơi pla lĕ ĕp mơnuih pioh pơhrăm pơmut ping gah. Yua kơ lu mơnuih ƀat bruă juăt hyu mă bruă pơ̆ anih ataih, tơnap tap amăng bruă pơsit hră pơ-ar. Khă hnun hai, hơdôm grŭp ping gah hmâo pơsur klă laih, gum hrom hăng hơdôm khul grŭp pơkon kiăng thâo tañ, gum djru, pơhrăm brơi kiăng “anăp nao”, pơlar mơnuih ping gah ƀơi rim grŭp Ping gah.

“Pơhrua hrom hơdôm bruă “Hlăk ai pơdŏng bruă, hlăk ai wai lăng lŏn ia”, pơsur kơ Grŭp hlăk ai pơdŏng hơdôm hơdră bơwih ƀong laih anun pơsur hlăk ai jơnum ngui ăt kah hăng gum hrom hơdôm bruă ƀơi plơi pla, mơng anun pơjing jơlan nao, bruă mă kơ adơi ayong pơđĭ kyar rah bruă bơwih ƀong, gum hrom rah bruă Ping gah, bruă ƀơi hơdôm bôh plơi pla. Bôh than yôm phăn lĕ khom pơjing pran pơhư̆č kơ ƀing čơđai glăk dô̆ pơmin mut hă ƀu mut. Ră anai pơdŏng hơdôm grŭp tui tơlơi hor, ba ƀing čơđai hyu čuă lăng hơdră ngă laih anun glăi ngă tui. Mơng hơdôm hơdră mơng hơdôm črăn bruă phun anai kiăng pơhư prong ƀơi să”.

 Tui hăng tơlơi pơsit mơng Ping gah tơring glông Krông Bông, khă ƀơi anih asuek hăng tơnap tap, samơ̆ să Yang Mao jing lĕ gru rơđah amăng bruă pơlar mơnuih ping gah ƀơi tơring glông Krông Bông wot anô̆ kơjăp hăng mrô ñu. Să lăng ba na nao bruă pơlar mơnuih ping gah lĕ hlăk ai, djuai ania ƀiă. Hrom hăng anun đing nao pơđĭ tui anô̆ klă bruă jơnum grŭp ping gah, ăt kah hăng anô̆ klă bruă pel ĕp, lăng tui amăng ping gah. Hrom hăng bruă mă mơng gưl ping gah hăng hơdôm grŭp ping gah lĕ bruă mă mơng mơnuih ba jơlan hlâo jing yôm phăn biă. Ơi Lâm Thanh Tùng, Khua Grŭp pơphun bruă Ping gah tơring glông Krông Bông pơsit, hăng tơlơi găn rơgao sui thun amăng bruă ping gah, khua git gai ping gah să Yang Mao hmâo laih lu jơlan gah amăng bruă ĕp mơnuih pioh pơlar mơnuih ping gah.

 “Să Yang Mao ăt lĕ sa anih anom kual asuek, kual ataih, hmâo lu neh wa djuai ania ƀiă. Bruă pơlar mơnuih ping gah amăng hơdôm thun rơgao lĕ bưp tơnap, tơlơi gun. Khă hnun hai, hăng pran pơsit mơng ơi Thành hăng mơng Grŭp mă bruă Ping gah, amăng hơdôm thun rơgao Ping gah să Yang Mao hmâo ngă klă na nao bruă pơlar mơnuih ping gah, biă ñu mơnuih ƀăt bruă gah neh wa djuai ania ƀiă. Hơdôm bôh tơhnal anai hmâo djru yôm phăn amăng bruă djru Ping gah tơring glông ngă giong hơdôm bruă pơlar mơnuih ping gah amăng abih bang Ping gah, biă ñu lĕ amăng kual neh wa djuai ania ƀiă”.

 Lăng ba dơlăm, gum hrom hăng hơdôm bruă mă hăng ƀơi anăp kĕ phĭ hăng mơnuih ƀôn sang hmâo djru laih hơdôm grŭp ping gah, khul ping gah să Yang Mao hmao thâo, pơhrăm brơi mơnuih ƀăt bruă mut Ping gah, pơđĭ tui mrô mơnuih mut ping gah ƀơi plơi pla. Lom dŏng amăng khul grŭp ping gah, rim mơnuih ping gah leng kơ lăng yôm pran jua yak rơgao tơlơi tơnap pioh pơđĭ kyar bơwih ƀong, ba jơlan hlâo amăng hơdôm bruă mă mơng plơi pla, ƀôn lan. Lăng yôm phăn jua ba gru hlâo amăng pơdŏng plơi pla phrâo, djru pơdŏng plơi pla jai hrơi jai pơđĭ kyar./.