Tơring čar Daklak ră anai hmâo năng ai ñu 9.000 čô mơnuih glăk dô̆ hơdip mơda, hrăm bruă hăng mă bruă pơ̆ 29 bôh dêh čar hăng kual lŏn. Hơdôm hrơi rơgao, neh wa ta pơ̆ dêh čar arăng pơkĕ hrom na nao hăng plơi pla hăng pơdah pran jua khăp kơ lŏn ia, hrom hăng neh wa amăng lŏn ia hrưn đĭ pơgang pô ia rơsĭ, bul ia rơsĭ mơng lŏn ia, djru pơdŏng plơi pla.

Amăng 5 thun rơgao, mrô prăk mơng neh wa ta dô̆ pơ̆ dêh čar arăng mơ-ĭt glăi ƀơi tơring čar Daklak lĕ rơbêh kơ 133 klăk dolar Mi. Amăng jơlan hơdră, amăng tơlơi pơbưp mơ-ak hăng pơđao, ƀing mơnuih pơ ala hmâo hmư̆ laih tơlơi lăi pơthâo kơ tơhnal gal hăng hơdôm bôh than pơđĭ kyar bơwih ƀong, mơnuih mơnam mơng tơring car Daklak amăng hơdôm hrơi rơgao. Hrom hăng anun lăi pơthâo hơdôm tơlơi pơmin, tơlơi čang rơmang mơng mơnuih ƀôn sang ataih mơng plơi pla, čang rơmang tơring čar ngă gal brơi dong kiăng gơñu tuh pơplai kơ bruă bơwih ƀong, djru pơdŏng hăng pơđĭ kyar plơi pla./.