Thun 2022, gưl Ping gah hơdôm gưl hmâo pel ĕp rơbêh 860 grŭp ping gah, lăng tui rơbêh kơ 470 grŭp ping gah hăng rơbêh kơ 2.800 čô mơnuih ping gah. Jơnum min pel ĕp hơdôm gưl hmâo pel ĕp laih lom hmâo gru nam ngă soh hăng 11 grŭp ping gah hăng 227 čô mơnuih ping gah. Hrom hăng anun, bruă ngă tui tơlơi phiăn ping gah dưi pel ĕp ngă tui tơlơi phiăn pơsir kơđi 2 grŭp ping gah hăng 280 čô mơnuih ping gah ngă soh.

Tui hăng ơi Nguyễn Đình Trung, Ding kơna Ping gah dêh čar, Khua git gai Ping gah tơring čar Daklak, rơgao bruă pel ĕp, lăng tui hmâo djru laih grŭp Ping gah hăng mơnuih ping gah thâo rơđah tơlơi pơmin pioh ngă tui, hơkrŭ pơsir tơlơi ngă ƀu djơ̆, pơgăn hơdôm tơlơi pơdah ƀu klă, djă kơjăp tơlơi pơkă, tơlơi phiăn mơng Ping gah. Pơ̆ anăp anai, Ping gah tơring čar Daklak kơtưn đĭ dong bruă pel ĕp, lăng tui hăng ngă tui tơlơi phiăn amăng Ping gah. Amăng anun, biă ñu đing nao pơsir pơđut hơdôm tơlơi ngă soh mơng hơdôm grŭp, mơnuih tui hơdôm tơlơi klah čun mơng anom pel ĕp kơđi tơlơi hăng prăk mă yua mơng kơnuk kơna ƀơi tơring čar./.