Tal jơnum lok 7 mơ̆ng Khul kơ pơgang gru grua bôh thâo đưm hmâo lăng ƀuh tơlơi gum hrŏm mơ̆ng 183 bôh dêh čar ding kơna hăng rơbêh kơ 100 čô mơnuih lăng tui. Pơhiăp amăng mông jơnum pok phun abih bang mơ̆ng Tal jơnum, Kơ-iăng Khua Ding jum pơtom hiăp, ơi Hà Kim Ngọc pơtŏng sit Việt Nam hăng 15 gru grua bôh thâo đưm hmâo čih anăn, 550 gru grua bôh thâo đưm gưl lŏn ia, lăng ba nao nao gru grua bôh thâo đưm, ƀu pơdơi pơjing hăng ngă giong hơdră bruă, tơlơi phiăn lŏn ia, jê̆ hăng anai hloh lĕ Jơlan hơdră pơkă mơ̆ng Lŏn ia kơ pơđĭ kyar bôh thâo truh thun 2045, hăng Tơlơi phiăn gru grua bôh thâo pơplih pơkra.
Hơdôm bôh dêh čar ding kơna khul čih tơlơi pơkôl 2003 pơsit yôm hơdôm tơlơi găn rơgao, thâo hluh hăng gir run mơ̆ng Việt Nam amăng pơgang hăng ngă tui gru grua bôh thâo đưm djru pơgang tañ hơdôm gru grua amra rơngiă hĭ, djă pioh hơdôm gru grua rơnuk anai kơ ană mơnuih hăng lăi pơhing hyu hơdôm gru rup gru grua dưi pơgang klă ƀơi rŏng lŏn tơnah./.
Viết bình luận