Ƀing nai đing nao bruă dăp glăi akô̆ tlôn bôh thâo, đing nao pơhrăm bôh thâo, jơlan gah ngă tơlơi pơplông pơhlôm tañ, djơ̆ tui tơlơi rơkâo mơ̆ng akô̆ tơlơi pơplông ba tơbiă, djru ƀing čơđai hmâo tơlơi prăp lui klă hloh pioh pơphun mut pơplông.

Tui hăng ơi Phạm Đăng Khoa, Khua Gơnong bruă pơtô pơhrăm tơring čar Dak Lak, thun  anai, đơ đam tơring čar hmâo rơbêh kơ 21.000 čô čơđai ngă tơlơi pơplông mă ƀăng anih 12. Gơnong bruă hmâo črâo ba laih hơdôm bôh sang hră hmâo čơđai pơplông mă ƀăng tơdơi kơ pơđut bruă hrăm rơwang 2 thun hrăm amra hrăm glăi klă tơlơi hrăm, pơphun pơsit bôh thâo tơlơi akô̆ tơlơi pơplông ba tơbiă hơduah ĕp lăng mơ̆ Ding jum pơtô pơhrăm dêh čar hmâo ba tơbiă kiăng kah pha djuai čơđai hrăm glăi kiăng djơ̆. Hăng tơlơi prăp lui tŏng ten hlâo, Gơnong bruă pơtô pơhrăm tơring čar Dak Lak čang rơmang tal pơplông mă ƀăng anih 12 thun 2024 ƀing čơđai amra hmâo bôh tơhnal dlông hloh./.