Khul tơhan mơng Khul ling tơhan dêh čar Việt Nam nao pơ̆ Thổ Nhĩ Kỳ gum hrom djru pơtlaih, pơsir anô̆ răm rai yua kơ lŏn pơpư̆ hmâo 76 čô tơhan. Mơng lơ 13/2 truh lơ 22/2, grŭp khul ling tơhan dêh čar Việt Nam hmâo 76 čô sĩ quan, tơhan juăt bruă hmâo gum hrom djru khăp păp hăng djru pơsir tơlơi truh lŏn pơpư̆ ƀơi Thổ Nhĩ Kỳ, amăng tơlơi ayuh hyiăng rơ-ŏt, grŭp hmâo  hơduah ĕp laih ƀơi 31 anih anom, ƀuh 15 anih anom hmâo mơnuih amăng hơdôm anih sang glưh, amăng anun hmâo 2 anih anom hmâo gru nam mơnuih dô̆ hơdip, hmâo jao kơ khul djru pơtlaih mơng bơnah gơyut kiăng ba 28 drơi jăn mơnuih djai tơbiă gah rơngiao.

Grŭp hmâo ƀơk laih 25 tơn gơnam mă yua, gơnam ƀong huă, djru mơnuih ƀôn sang kual hmâo lŏn pơpư̆. Amăng mông ngă lơphet, Ding jum khul ling tơhan hmâo rơkâo ƀơk Hră bơni mơng Khua dêh čar kơ 4 grŭp hăng 7 čô mơnuih. Amăng mông ngă lơphet bơni, abih bang 76 čô mơnuih mơng grŭp hmâo ƀơk laih hră bơni mơng Khua Ding jum Khul ling tơhan dêh čar yua kơ hmâo bôh than yôm amăng bruă jao./.