Mơguah lơ 20/2, ƀơi Ƀirô Ding jum Khul ling tơhan, Anom bruă Kơđi čar Khul ling tơhan mơnuih ƀôn sang Việt Nam gum hrom hăng Khul mơnuih pơblang bruă Ping gah, Sang in tơglit hơdrôm hră Bruă kơđi čar dêh čar Tơlơi sit pơphun Bơkơtuai bôh thâo lăi pơthâo abih tơlơi pơmin črâo ba amăng hơdră hră “Khom ngă, gir run hrưn đĭ pơgang, pơgăn hưp ƀong kông ngăn, tơlơi ngă soh, djru pơdŏng Ping gah hăng Kơnuk kơna ta jai hrơi jai klă hiam, kơjăp kơtang” mơng Khua git gai Ping gah dêh čar ơi Nguyễn Phú Trọng amăng ngă tui truh kih bruă ling tơhan, pơgang pơhlôm hlâo, pơgang lŏn ia ră anai.

Đại tướng Phan Văn Giang, Ding kơna Ding jum kơđi čar, Kơ-iăng Khua git gai Ping gah Khul ling tơhan dêh čar, Khua Ding jum khul ling tơhannao pơhmư̆. Bơkơtuai pơphun ƀơi anăp hăng lăng nao rai mơng ataih ƀơi 41 anih anom tô nao rai amăng abih bang ling tơhan hăng 1.600 čô khua pơ ala gum hrom. Amăng mông bơkơtuai, ƀing khua pơ ala hmâo đing nao ngă rơđah bôh yôm pơblang, bôh nik mơng hơdrôm hră, hơdôm tơlơi tŭ mă mơng bôh nik bruă hrưn đĭ pơgang pơgăn hưp ƀong kông ngăn, tơlơi ngă soh hăng bruă pơdŏng hăng pơgang lŏn ia Việt Nam djop mơnuih dưm kơnar ră anai hăng pơdŏng khul ling tơhan ngă hơkrŭ, djơ̆ phiăn pơkă, hơdeč hmar hăng phrâo rơnuk anai./.