Ding jum wai lăng jơlan nao rai dŭ pơgiăng rơkâo pơkra glăi tơlơi ƀu pơhlôm ƀơi jơlan glông lom man pơdŏng glăi ƀơi jơlan 19
Thứ năm, 10:05, 23/02/2023
VOV Tây Nguyên/Siu H' Prăk pơblang
VOV Tây Nguyên/Siu H' Prăk pơblang
VOV4.Jarai – Lơ 21/2, Anom bruă wai lăng jơlan III.4 (Ding jum jơlan nao rai dŭ pơgiăng) hmâo hră pơ-ar mơ-ĭt Grŭp wai lăng rơwang bruă 2 – jing pô tuh pơplai Rơwang bruă kơtưn tô nao rai kual Dăp Kơdư, črâo ba hơdôm mơnuih gơgrong pơkra khom pơhlôm klă jơlan glông lom pơkra rơwang bruă găn 2 tơring čar Gialai hăng Bình Định.
Rơđah biă ñu, Anom bruă wai lăng jơlan III.4 – Kual wai lăng jơlan III, rơkâo Grŭp wai lăng rơwang bruă 2 (Pô gơgrong pơkra) črâo ba ƀing pơkra jơlan 19 pel ĕp, pơsir hơdôm anih anom răm prong hlâo, sa dua črăn pơkra ƀu hmâo tơmeh lăi pơthâo ngă huĭ rơhyư̆t biă. Hrơi blan pơkra glăi hlâo kơ 28/2/2023 hăng hmâo hră pơ-ar, gru rŭp lăi pơthâo glăi mrô bruă hmâo ngă.
Rơwang bruă Kơtưn tô nao rai jơlan glông kual Dăp Kơdư dưi pơphun pok pơhai blan 9/2021, hăng abih bang rơwang ataih 143 km, găn 2 tơring čar Gialai (126km) hăng Bình Định (126km), hmâo abih bang rơnoh tuh pơplai năng ai ñu 3.600 klai prăk. Hơdôm hrơi blan pơkă lăng hlâo giong amăng blan 12/2023./.
Viết bình luận