Tui hăng hră lăi pơthâo, rơnoh gơnam sĭ mơdrô amăng ƀôn prong GRDP mơ̆ng bruă ngă hmua ƀôn prong HCM thun 2022, pơhrui glăi giăm 8.400 klai prăk, đĭ tui 3,74% pơkă hăng tal anai thun hlâo. Rơnoh gơnam sĭ mơdrô mơ̆ng khul gơnam pơkra ming phun giăm 13.000 klai prăk. Bruă pơtum pơtrut ngă hmua tui anih anom sĭ mơdrô, lăng yôm biă mă samơ̆ aka ƀu djơ̆ kah hăng anŏ kiăng ôh. Tui hăng ơi Võ Văn Hoan, Kơ-iăng Khua jơnum min mơnuih ƀôn sang ƀôn prong HCM, bruă ngă hmua ƀôn prong kiăng lăng nao tơpă anŏ dŏ kơƀah, khom ngă pơrơđah hloh hơdră pơdjuai pơjeh phun pla, hlô mơnong rông.

Hrom hăng bruă kiăng ba yua boh thâo ia rơgơi, pơkra ming gơnam đang hmua amăng plơi prong, khom pơblih mă yua mrô kiăng pôr pơthâo rơnoh sĭ mơdrô gơnam tam....Kiăng dưi ngă tơlơi anai, anom bruă ngă hmua ƀôn prong HCM pơdah thâo tơhnal pơkă lir hơbit hăng bruă djru sang bruă sĭ mơdrô, sang anŏ ngă hmua pla pơjing.