Lăp đing nao amăng mrô anai, hmâo dua čô lĕ ding kơna Grŭp apăn bruă Ping gah tơring čar, amăng anun hmâo yă H’ Lim Niê, Khua Grŭp pơtô bruă Ping gah tơring čar, hăng yă H’ Kim Hoa Byă, Khua Grŭp pơtô ba mơnuih ƀôn sang Ping gah tơring čar. Hrŏm hăng anun, dô̆ hmâo ơi Rơlan Vôn Ga, Khua git gai Ping gah tơring glông Mdrak, hăng 3 čô mơnuih apăn bruă pơkon lĕ khua, kơ-iăng khua hơdôm bôh ƀirô, anom bruă.

Ăt tui hăng ơi Hải mơn, hmâo dong 3 čô mơnuih mă bruă pơkon hmâo ba tơbiă tơlơi hăng Grŭp pơphun bruă Ping gah tơring čar kơ bruă ngă hră rơkâo pơdơi tui hơdră gum djru. Ơi Nguyễn Thượng Hải brơi thâo dong, hơdôm bôh anom rơkâo pơdơi lơtret leng kơ hmâo tŭ ư prong, hăng bôh than ƀing apăn bruă, mơnuih ping gah anai čang rơmang ngă gal brơi kơ mơnuih apăn bruă hlăk ai pơlar đĭ hăng kơjăp, hrŏm hăng anun djru bruă ngă rơbôt bruă mă, dưm dăp glăi bruă mă mơ̆ng tơring čar./.