Tui hăng Jơnum min mơnuih ƀôn sang tơring čar Gia Lai, thun 2022, rơnoh prăk pơhrui glăi amăng tơring čar him lăng đĭ tui rơbêh 9,27% pơkă hăng thun 2021; pơkă dưm dưm hnong pơhrui glăi mơ̆ng rĭm čô mơnuih mă bruă sa thun hơmâo rơbêh 60 klăk prăk. Khua mua tơring čar Gia Lai lăi lĕ, dưi hơmâo boh tơhnal anai, yua hơmâo tơlơi gum pơgôp ha pran jua amăng abih bang glông bruă kơđi čar, abih bang mơnuih ƀôn sang.

Amăng anun hơmâo tơlơi pơgôp hrom ƀu anet ôh mơ̆ng ƀing mơnuih thâo hră, ƀing rơgơi adoh suang hăng ƀing čih tơlơi pơhing phrâo ƀơi tơring čar. Yua ƀing anai yơh pơtruh brơi, pôr pơthâo tơlơi gêh găl anŏ kơtang hơmâo baih hlâo amăng tơring čar đah mơ̆ng pơhưč lu mơnuih nao tuh pơ alin ƀơi Gia Lai; pơtrut pran jua bruă mă hur har hloh mơ̆ng mơnuih ba gru hlâo, mơnuih hiam mă bruă klă.