Khua rơhan pơgang guai dêh čar, tơring čar Gia Lai hơmâo git gai 8 boh puih kơđông pơgang guai dêh čar pơtum lu tơhan, ngă hrom tong ten wai lăng pơgang kjăp 80 km jơlan guai dêh čar. Laih dơ̆ng, pơtrut kơtang bruă mă pơkơdong glăi hăng lu mơta tơlơi soh sat hăng tơlơi soh glăi tơlơi phiăn pơkŏn boh nik ñu tơlơi soh sat ma túy, sĭ mơdrô dŏp, sĭ mơdrô pleč ƀlor, pơdŭ pơgiăng, mă yua ƀơt mlăi pơtuh hlâo kơ têt, amăng hrơi têt hăng tơdơi kơ têt.

Khua tơhan pơgang guai dêh čar tơring čar Gia Lai ngă hrom lu anom bruă gah dêh čar Kur pioh pơhlôm hlâo mơ̆ng gah rơngiao, kiăng ngă hrom tong ten djop sang bruă, khul ling tơhan ƀơi guai dêh čar, ngă klă bruă pơhlôm, pơgang tơlơi soh hăng pơsir khut khăt hơgĕt tơlơi hơmâo.