Tết tui phiăn juăt Quý Mão 2023 jê̆ giăm laih, bruă pơhlôm gơnam tam hăng hơđong nua sĭ mơdrô lĕ bruă yôm phăn hơmâo gơnong bruă sĭ mơdrô hăng tuh tia pơkra pơjing laih dong hơdôm boh ƀon lan, anom bơwih ƀong sĭ mơdrô ƀơi Gia Lai gơgrong pok pơhai. Tui hăng gơnong bruă sĭ mơdrô hăng tuh tia pơkra pơjing tơring čar Gia Lai, him lăng mơnuih blơi gơnam amra lu biă mă amăng bơyan tết Quý Mão 2023 anai giăm 30%.

Kiăng pơhlôm brơi gơnam tam, gơnong bruă rơkâo hơdôm anih anom, anom bơwih ƀong sĭ mơdrô pok pơhai akŏ bruă djă pioh lui gơnam, sit biă ñu mơnong ƀong huă, ngă tui tŭ yua jơlan hơdră hơđong nua sĭ mơdrô, msĭ gơnam djơ̆ hăng nua pơkă. Laih dong, hơdôm anom bruă ƀuăn pơhlôm gơnam hiam hơdjă, hơmâo čih tong ten nua sĭ, anih pơkra. Hơdôm anom bơwih ƀong sĭ mơdrô amăng tơring čar pơhlôm brơi gơnam hiam hơdjă, kiăng hơmâo lu mơnuih blơi pơhmu hăng gơnam mơng tač rơngiao mơng anun amra ngă tui tơlơi jak iâu “Mơnuih ƀon sang Việt Nam yua gơnam Việt Nam”.