Gia Lai ruah pơhrua 2 čô kơ-iăng khua tơring čar
Thứ tư, 10:36, 04/01/2023
VOV Tây Nguyên/Nay Jek pơblang
VOV Tây Nguyên/Nay Jek pơblang
VOV4.Jarai-Mơguah lơ 3/1, jơnum lok 11, khua mua pơ ala mơnuih ƀôn sang tơring čar Gia Lai tal XII hơmâo ruah 2 čô, ơi Nguyễn Hữu Quế hăng Dương Mah Tiệp ngă Kơ-iăng khua jơnum min mơnuih ƀôn sang tơring čar, rơwang bruă thun 2021-2026.
Ƀơi mông jơnum, ơi Trương Hải Long-Khua jơnum min mơnuih ƀôn sang tơring čar Gia Lai lăi pơthâo hră pơdah đĭ mơ̆ng Jơnum min mơnuih ƀôn sang tơring čar kơ bruă ruah pơhrua mơnuih ngă khua kiăng ƀing pơ ala mơnuih ƀôn sang tơring čar ruah 2 čô kơ-iăng khua jơnum min mơnuih ƀôn sang tơring čar tal XII, hơmâo ơi Nguyễn Hữu Quế, ding kơna ping gah tơring čar, Khua Gơnong bruă Man pơphô hăng Tuh pơ alin hăng ơi Dương Mah Tiệp ding kơna ping gah tơring čar, Khua git gai ping gah, khua jơnum min pơ ala mơnuih ƀôn sang tơring glông Ia Grai.
Khua mua pơ ala mơnuih ƀôn sang tơring čar Gia ai plĕ hră ruah, boh tơhnal lĕ ơi Nguyễn Hữu Quế 66/70 pok hră, ơi Dương Mah Tiệp 67/70 pok hră ruah.
Viết bình luận