Bruă duh glăi gơnam pơklaih ala lŏn djơ̆ anih čuk ăt jing sa tơlơi kơđông prong lơ̆m pơtong glăi rơnoh duh yua lŏn sui hăng bruă ngă hră pơar kaih, tơnap tap, anun ngă kơ lu kơčaơ bruă kaih hĭ. Tơring čar ăt dong ƀơi anăp tơlơi či hrŏ hĭ rơnoh pơhrui prăk yua lŏn, prăk duh jia pơ kual gah yŭ tơring čar, bơbeč djơ̆ kơ bruă kah pơpha prăk kăk yua amăng thun 2025 ƀiă abih laih.

Hrŏm hăng anun, lu să, phường phrâo pơmut glăi aka ƀu hơđong sit nik ôh, yua aka ƀu djơ̆ tơlơi pơtrun gêh găl mă bruă ƀudah čih ming pơkra glăi kơčăo bruă tuh pơ alin. Thun 2026, tơring čar Gia Lai pơkă tơhnal či ngă kiăng ba yua abih rơnoh prăk jao sa thun. Ơi Thái Đại Ngọc, Khua git gai ping gah ngă rah khua khul pơ ala mơnuih ƀôn sang tơring čar Gia Lai, pơtrun hiăp djop anom bruă, djop gưl hơmâo hơdră rơđah rơđong hloh, pơsỉ hĭ anŏ ngă kơđông, kiăng pơhluh brơi jơlan nao rai hruaih hăng pơtum lu rơnoh prăk tuh pơ alin bơwih brơi tơlơi bơwih ƀong huă kơ mơnuih mơnam.