Lơ 21/2, Anom wai lăng dlai kyâu Gialai hăng hră pơ-ar rơkâo hơdôm bôh anom gah pô tañ gum hrom hăng tơring glông Kông Čro pel ĕp kơđi oă dŏp mă 125 ƀĕ kyâu dlai ƀơi rơwang pơkă 7, 10 kual 792 gah Sang bruă bơwih ƀong mơnuih ƀôn sang Sa ding kơna Plah tơsiong đang kyâu Kông H’de, anih anom pơdŏng sang mă bruă čar să Sơ Ró, dưi ĕp ƀuh amăng lơ 15/2 phrâo rơgao.

Hlâo kơ anun, hluai tui kơ tơlơi lăi pơthâo glăi mơng pô dlai lĕ Sang bruă bơwih ƀong mơnuih ƀôn sang Sa ding kơna Plah tơsiong đang kyâu Kông H’de, Anom wai lăng dlai kyâu tơring glông Kông Čro gum hrom hăng hơdôm gơnong bruă bơdjơ̆ nao ngă tui pel ĕp anih anom dlai răm rai prong gah kual lŏn sang bruă anai wai lăng. Bôh tơhnal brơi ƀuh, hmâo 125 ƀĕ kyâu dlai gah Sang bruă bơwih ƀong mơnuih ƀôn sang Sa ding kơna Plah tơsiong đang kyâu Kông H’de, hmâo kyâu brơpah, kyâu trôl, kyâu xương cá arăng oă dŏp. Abih bang kyâu gal răm rai lĕ 30,2m3. Ră anai, hơdôm gơnong bruă gơgrong pơsir glăi hơkrŭ glăi hră pơ-ar kơđi tơlơi, hyu ĕp ƀing ngă soh, pơsir tui tơlơi pơkă amăng tơlơi phiăn./.