Jơnum ngui hră pơhing thun phrâo Quý Mão 2023 pơdă prưng, lăi pơthâo 250 mơta hră pơhing bơyan bơnga dêh čar, 63 mơta hră pơhing bơyan bơnga mơng hơdôm anih anom amăng đơ đam dêh čar hăng 20 mơta hră pơhing, hơdrôm hră pơhing mơng hơdôm ƀirô čih tơlơi pơhing hmâo mơnuih hyu mă tơlơi pơhing dô̆ jưh – anom bruă pơ ala amăng tơring čar Gialai. Jơnum ngui hmâo lăi pơthâo truh djop mơnuih rơbêh kơ 900 mơta hră pơhing hăng lu mơta anet prong, lu tơlơi čih tum pơƀut djop hơdôm ia mơta lăp djă pioh amăng abih bang gah bơwih ƀong, bôh thâo – mơnuih mơnam, rơnuk rơnua pơgang lŏn ia... mơng lŏn ia amăng thun rơgao.

Hluai tui pơdă prưng, mơnuih lăng pơđok tơlơi pơhing hmâo anô̆ lăng djop, lu bơnah kơ hơdôm tơlơi gir run mơng abih bang Ping gah, khul ling tơhan hăng mơnuih ƀôn sang ta yak rơgao tơnap tap, tơlơi lông ƀơi anăp tơlơi rŏng lŏn tơnah hmâo lu pơplih tơnap. Ƀuh rơđah hloh lĕ hơdôm anăn ñu lăi kơ Khua mir sir Hồ Chí Minh hăng tơhnal lăng mut hrom pơđĭ kyar lŏn ia; Yak đĭ mơng pran pô, Ping gah pơjing hơdôm bôh than yôm; Pơgăn hưp ƀong kông ngăn mơng phun akha, hơkrŭ tơlơi đăo gơnang amăng mơnuih ƀôn sang...