Boh than anai brơi ƀuh prăk pơhrui mơng mơnuih ƀôn sang đĭ kơtang yua hơdôm gơnam đang hmua phun đĭ nua kơtang. Amăng anun, kơnong đang hmua pla kơphê amăng tơring glông hơmâo giăm 22.000 ektar, dưi pĕ pơhrui rơbêh 55.000 tơ̆n, ba glăi prăk pơhrui brơi rơbêh 6.600 klai prăk.

Hrŏm hăng anun, Dak Mil hơmâo rơbêh 5.300 ektar đang pla tiu, sầu riêng hăng sa, dua phun kyâo boh troh hơmâo nua, thun rơgao lêng kơ pơhrui hơmâo hmăi soh. Tui ơi Lê Văn Hoàng, Khua Jơnum min mơnuih ƀôn sang tơring glông Dak Mil, ngă hmua hiam hơdjă hơmâo pơgôp yôm phăn amăng tơlơi truh kih djop mơta amăng tơring glông thun 2024 lơm 12/12 hơnong pơkă bơwih ƀong huă mơnuih mơnam lêng kơ dưi ngă hăng rơgao hơnong pơkă. Pơđĭ kyar bơwih ƀong huă amăng tơring glông thun rơgao truh 9,19%, giăm dua wŏt rơnoh pơđĭ kyar amăng tơring čar Dak Nông.