Ơi Lê Hải Bình, ding kơna aka sit nik apăn bruă ping gah dêh čar, Khua anom bruă Hră pơhing Cộng sản, Kơ-iăng khua grup ĕp lăng lăi pơtong, tơlơi gơgrong ba yôm hloh mơ̆ng bruă mă pơgang amăng lăm kơđi čar amăng bruă akŏ pơdong ping gah. Bruă grup hyu ĕp lăng bruă mă anai, ĕp lăng bruă mă pơgang lĕ atur bruă kơđi čar amăng lăm ƀơi ping gah tơring čar Dak Lak kah hăng bruă pơphun na nao mơ̆ng Ping gah.

Mơ̆ng anun, kiăng pơtong lăng tong ten boh tơhnal dưi ngă, hơdôm tơlơi dŏ kơƀah, aka ƀu găl, aka gêh, anŏ tơnap tap, phun ñu mơ̆ng pơpă, gah rơngiao hă ƀudah yua ngă amưng pô lơ̆m git gai, pơčrâo bruă hăng pơphun ngă tui ƀơi djop gưl anom bruă ping gah, khul grup ping gah yua Gơnong dlông wai lăng. Laih dơ̆ng, kơnang kơ tal pel ĕp kiăng hơmâo hơdră pơtô ba, pơčrâo rơđah pok pơhai ngă tui klă hơdôm boh yôm phun amăng bruă pơgang kơđi čar amăng lăm ƀơi tơring čar, djop anom bruă, khul grup mơnuih mơnam pơ anăp adih.