Grup hyu mă bruă mơ̆ng Kơnuk kơna yua kơ Khua ding jum pơtom hiăp ơi Bùi Thanh Sơn ngă khua grup hơmâo mông mă bruă hăng tơring čar Kon Tum kơ tơlơi pơhing sĭ mơdrô, pơkra ming hăng tuh pơ alin, man pơdong pưk sang, čuk pơkra jơlan glông laih anun sĭ mơdrô hăng tač rơngiao. Tơdơi kơ nao ĕp lăng sit nik lu ring bruă, amăng hơdôm anih phun, ƀơi mông mă bruă hăng khua mua Jơnum min mơnuih ƀôn sang tơring čar Kon Tum, Khua ding jum pơtom hiăp ơi Bùi Thanh Sơn lăng yôm tơlơi gir run mơ̆ng tơring čar hơmâo hrưn đĭ jing anih ba jơlan hlâo amăng kual Dap Kơdư rơnoh pơđĭ kyar.

Hơdôm tơlơi dŏ rơnang aka ƀu dưi ngă, kơƀah amăng tơlơi bơwih ƀong huă pơđĭ kyar mơnuih mơnam 4 blan akŏ thun 2023 ƀơi tơring čar Kon Tum, Khua ding jum ơi Bùi Thanh Sơn rơkâo tơring čar Kon Tum ngă tui djơ̆ tơlơi git gai mơ̆ng Khua dêh čar ƀơi hră pơčrâo mrô 8 pơtong rơđah brơi mă yua prăk tuh pơ alin jing sa bruă mă kơđi čar yôm mrô sa. Rơkâo Ding jum man pơdong, Ding jum kông ngăn lŏn mơnai ayuh hyiăng sem glăi tơlơi rơkâo mơ̆ng tơring čar Kon Tum tañ lăi pơthâo tum teč, sa hnong pơkă lŏn mơnai hăng pơkă hnong plơi prong.