Amăng tal nao čuă jơmư anai, ơi Nguyễn Huy Tiến hăng grup khua mua mơ̆ng Việt Nam hơmâo nao mă tơngan hăng ơi Trần Văn Thanh (Chen Wenqing), Khua anom bruă ngă tui tơlơi phiăn kơnuk kơna ping gah dêh čar Khač; bơkơtuai hăng ơi Ưng Dũng, khua anom bruă tơgŭ kơđi mơnuih ƀôn sang dêh čar Khač; nao bưp ơi Trương Quân (Zhang Jun), Khua sang phat kơđi mơnuih ƀôn sang dêh čar Khač.

Pơhiăp amăng mông bơkơtuai hăng ơi Ưng Dũng, ơi Nguyễn Huy Tiến lăi pơthâo tal čuă jơmư anai čang rơmang pơjing sa gru kơđŏm yom, pơtrut bruă ngă pŭ ƀăn dua bơnah kơjăp hăng sui thun, djru hrŏm amăng bruă pơkơdong glăi, tơgŭ kơđi mơnuih soh sat mơ̆ng dua bơnah dêh čar.