Amăng mông jơnum, ƀing khua pơ ala gum pơhiăp lu bôh yôm sit nik bơdjơ̆ nao truh Tơlơi phiăn dăng kông (pơplih pơkra); Tơlơi phiăn kông ngăn ia (pơplih pơkra); Tơlơi phiăn hơdôm khul grŭp brơi čan prăk; Tơlơi phiăn wai lăng, pơgang ring bruă pơgang lŏn ia hăng kual puih kơđông; Tơlơi phiăn bơwih ƀong sĭ mơdrô lŏn sang (pơplih pơkra); Tơlơi phiăn sang dô̆ (pơplih pơkra).

Gum pơhiăp kơ Tơlơi phiăn bơwih ƀong sĭ mơdrô lŏn sang (pơplih pơkra), lu khua pơ ala mơnuih ƀôn sang lăi lĕ: Hăng hơdôm tơlơi pơkă phrâo, amra pơjing tơlơi phiăn tum djop, ha amăng plĕ, pioh wai lăng bruă sĭ mơdrô lŏn sang, djru pơtrut bruă sĭ mơdrô lŏn sang pơđĭ kyar. Khă hnun hai, kiăng pơđĭ tui bruă gơgrong, bôh thâo mơng ƀirô wai lăng kơnuk kơna kơ bruă bơwih ƀong sĭ mơdrô lŏn sang tơlơi phiăn kiăng pơhrua nao dong bôh yôm, lăng tui tơlơi ngă tui tơlơi phiăn bơwih ƀong sĭ mơdrô lŏn sang. Grŭp Khua pơ ala mơnuih ƀôn sang tơring čar hmâo čih pioh laih hơdôm tơlơi gum pơgôp mơng ƀing khua pơ ala mơnuih ƀôn sang pioh kơ hơdôm hră tơlơi phiăn, ruah mă kiăng lăi pơdah amăng tal jơnum pơ̆ anăp./.