Mông ngă lơphet mă tơngan grup tơhan Việt Nam glăi pơ dêh čar hơmâo pơphun ƀơi tơdron rơdêh por Hatay, Antakya, tơring čar Hatay, Thổ Nhĩ Kỳ. Pơhiăp ƀơi mông ngă lơphet, Khua anih jưh pơ ala dêh čar Việt Nam pơ Thổ Nhĩ Kỳ ơi Đỗ Sơn Hải lăi rơđah bruă Khul tơhan Việt Nam ba tơhan nao djru brơi Thổ Nhĩ Kỳ amăng hơdôm brơi rơgao jing gru hiam, pơđĭ tui tơlơi rô nao rai ngă gŏp kơplah wah dua bơnah. Dua khul tơhan Việt Nam hăng Ding jum Kông an Việt Nam hơmâo djru brơi lu tơlơi tơnap, ƀu hŭi kơ tơlơi hŭi rơhyưt, gir djru ba mơnuih ƀon sang Thổ Nhĩ Kỳ pơsir hĭ tơlơi truh pơpư̆ lŏn tơnah, hơmâo mơnuih ƀon sang, gong gai plơi pla hăng tơhan djru mơnuih mơng dêh čar pơkŏn kơnang hăng bơni biă.

Amăng hrơi mông pơphun nao djru mơng lơ 13 truh lơ 22/2 pơ tơring čar Hatay, Khul ling tơhan Việt Nam hơmâo hyu ĕp ƀơi 31 anih, ƀuh 15 anih hơmâo mơnuih dŏ đom amăng lŏn tơhlŏm, amăng anun hơmâo 2 anih hơmâo mơnuih dŏ hơdip. Tơdơi kơ anun, khul tơhan hơmâo jao glăi kơ ƀing djru mơnuih bưp tơlơi truh pơ plơi pla anun mă măi mok klơi kuăi, laih anun ba đĭ 28 drơi atâo djai dŏ đom amăng lŏn. Tlam lơ 23/2, khul tơhan hơmâo glăi truh laih pơ tơdron rơdêh por Nội Bài, Hà Nội.