Bruă ruah mut ngă tơhan hăng iâu mơnuih ƀôn sang djop thun mut ngă tơhan lĕ, dưi hơmâo djop plơi pla ngă tui tơpă, djơ̆ hnong, pơhlôm tơlơi găl ngă khua pô, bơkơnar, pơhaih hăng djơ̆ tơlơi phiăn iâu mut tơhan. Truh ră anai, abih bang 8 boh tơring glông, plơi prong amăng tơring čar Dak Nông ngă giong laih hơdră ruah anăn hăng pơsit, anăn hră pơar mơ̆ng djop puih kơđông hăng sang bruă khua tơhan jak iâu mut tơhan, prăp lui yơh bruă jao tơhan amăng thun phrâo.

Thiếu tá, Phan Huy Hùng, Khua anom bruă tơhan plơi prong Gia Nghĩa, tơring čar Dak Nông brơi thâo, amăng hrơi ngă yang thun phrâo tết Qúy Mão, djop gưl anom bruă ping gah, ling tơhan, djop sang bruă kơnuk kơna, khul mơnuih mơnam mut phung hơmâo pơphun hyu čuă jơmư, tơña bla, pơtrut pran jua sang anŏ hơmâo ană bă djop thun huăi gun bruă hrăm hră pơar nao ngă tơhan thun 2023. Mơ̆ng anun, kiăng thâo anŏ kiăng, tơlơi pơmin hơgĕt aka ƀu mơak klă pơsir hĭ hmao kru, ngă gêh găl kơ hlăk ai hơđong pran jua nao ngă tơhan djru pơgang dêh čar.