Mơguah lơ 6/2, hơdôm rơbâo čô hlăk ai mơng ƀon prong Hà Nội hok mơ-ak nao ngă tơhan. Hrơi jao čơkă tơhan hơmâo pơphun ƀơi abih bang 30 boh kuâ̆n, tơring glông, plơi prong či Hà Nội, amăng hrơi mông mơ-ak mơ-ai, kơdrưh yôm, hơmâo pơphun jơnum mă ƀiă, pơhlôm rơnuk rơnua.

Thun 2023, abih bang ƀon prong Hà Nội him lăng amra brơi nao 3.500 čô mơnuih nao ngă tơhan, amăng anun hơmâo giăm 21% čô mơnuih hrăm abih gưl anet prong; 1 rơbâo čô mơnuih čih hră rơkâo nao ngă tơhan. Hà Nội jing sa amăng hơdôm boh tơring čar hơmâo mrô mơnuih hrăm gưl anet prong cao đẳng, đại học nao ngă tơhan lu biă.