Hơdor glăi 93 thun hrơi pơdŏng Ping gah hăng 10 thun pơdŏng Grŭp črâo ba bruă pơgang pơgăn hưp ƀong kông ngăn, tơlơi ngă soh, hrơi anai lơ 2/2 ƀơi Hà Nội pơphun ngă Lơphet lăi pơthâo hơdrôm hră “Khom ngă, ngă tui na nao pơgang, pơgăn hưp ƀong kông ngăn, tơlơi ngă soh, djru pơdŏng Ping gah hăng Kơnuk kơna ta jai hrơi jai klă hiam, kơjăp kơtang” mơng Khua git gai Ping gah dêh čar ta ơi Nguyễn Phú Trọng.

Hơdrôm hră hmâo 3 črăn: Črăn sa lĕ, hơdôm tơlơi prong mơ̆ Khua git gai Ping gah dêh čar ta ơi Nguyễn Phú Trọng hmâo ba tơbiă; Črăn dua bơdjơ̆ nao bôh nik črâo ba pơgang, pơgăn hưp ƀong kông ngăn mơ̆, bôh nik ñu Khua git gai Ping gah dêh čar ta ơi Nguyễn Phú Trọng črâo ba git gai Ping gah ta pơgang, pơgăn hưp ƀong kông ngăn; Črăn 3 lĕ hơdôm tơlơi pơdah pran jua djơ̆ hrom mơng mơnuih ƀôn sang amăng bruă pơgang, pơgăn hưp ƀong kông ngăn anai. Nai tha prin, nai prin tha Lê Quốc Lý – Khua hơđăp Sang hră pơtô bruă kơđi čar lŏn ia Hồ Chí Minh brơi thâo: anai lĕ hơdrôm hră kiăng biă djă pioh kiăng rim mơnuih ping gah pơhrăm drơi pô, pơplih pơkra mă pô, hơkrŭ pơsir hơdôm tơlơi akă djơ̆, akă dưi ngă mơng pô amăng pơdŏng lŏn ia./.