Amăng hră mơ-it hơmâo glông čih: Amăng 30 thun rơgao, Ping gah Cộng sản dêh čar Nga khut khăt mă chủ nghĩa Mác - Lênin ngă tơlơi pơmin phun, ha pran jua ngă bruă pơmin kơ ƀing kông ñơn, mơnuih ngă hmua, mơnuih thâo hră hăng mơnuih ƀon sang mă bruă, hơmâo tơlơi gum pơgôp prong kơ tơlơi pơđĭ kyar mơng dêh čar Nga ră anai, djă bong tơlơi gơgrong bruă yôm amăng bruă hơkrŭ ping gah cộng sản hăng kông ñơn jar kmar.

Ping gah Cộng sản Việt Nam lêng lăng yôm laih anun hrŏm hăng ƀing khua mua ngă dlăm hloh tơlơi rô nao rai giăng mah pŭ ƀăn hăng Ping gah dêh čar Nga, pơđĭ tui tơlơi rô nao rai ngă hrŏm amăng abih bang bruă yôm Việt Nam - Nga, yua tơlơi gêh gal mơng mơnuih ƀon sang dua boh dêh čar, yua tơlơi rơngai, yua tơlơi hơđong amăng kual hăng ƀơi rŏng lŏn tơnah. Hơ-ơč hmưi kơ Ping gah Cộng sản dêh čar Nga hơmâo lu tơlơi dưi ngă phrâo amăng bruă akŏ pơdong chủ nghĩa xã hội, yua tơlơi podrong asah, yâo mơ-ak mơng mơnuih ƀon sang dêh čar Nga.