![VOV Tây Nguyên/Nay Jek pơblang](/themes/custom/vov_4/images/avatar.png)
Hră pơtrun mrô 1244, lơ 15/5/2024 Ding jum kơđi čar pơsit kơ ơi U Huấn, ding kơna aka ƀu sit nik Khul apăn bruă ping gah dêh čar, ding kơna khul apăn bruă git gai ping gah phun tơring čar, Khua anom bruă pơgăn ƀong kông ngăn mơ̆ng Ping gah tơring čar, Khua grup ƀing pơ ala mơnuih ƀôn sang dêh čar tal XV tơring čar Kon Tum ngă Kơ-iăng khua git gai ping gah tơring čar Kon Tum rơwang bruă thun 2020-2025. Ơi U Huấn, tơkeng lơ 22/1/1980, djuai ania Sedang, plơi pla ñu pơ să Đak Ui, tơring glông Đak Hà, tơring čar Kon Tum. Hrơi mut ping gah lơ 4/7/2006. Tơlơi hrăm bruă kơđi čar, gưl dlông. Hơdră hrăm bruă lĕ, Thạc sĩ Bruă čar-kơnuk kơna; Hrăm gưl prong gah bruă prăk kăk-sang bruă prăk.
![Khua git gai ping gah tơring čar Kon Tum ơi Dương Văn Trang bơni hơ-ơč kơ ơi U Huấn](https://vov4-media.solidtech.vn/sites/default/files/styles/large/public/2024-05/u_huan_2.jpg)
Mơ̆ng blan 1/2021 truh ră anai, ơi U Huấn ngă Khua anom bruă pơgăn ƀong kông ngăn gah anom bruă ping gah tơring čar Kon Tum; khua pơ ala mơnuih ƀôn sang dêh čar tal XV, ding kơna Jơnum min gah tơlơi phiăn mơ̆ng sang bruă khua pơ ala mơnuih ƀôn sang dêh čar hăng Khua grup ƀing pơ ala mơnuih ƀôn sang dêh čar tơring čar Kon Tum.
Viết bình luận