Lơ 24/6/1967, dêh čar Việt Nam Dân chủ cộng hoà (ră anai lĕ xã hội chủ nghĩa Việt Nam) hăng dêh čar Kur sit nik akŏ pơjing bruă pơtom hiăp, pok rai rơnuk ngă hrŏm phrâo kơplah dua boh dêh čar. Rơbêh 50 thun rơgao, mơnuih ƀon sang Việt Nam hăng Kur lêng jê̆ giăm, čung ba, djru nao rai amăng rơnuk ngă hơkrŭ pơklaih rơngai lŏn ia, wai pơgang dêh čar kah hăng amăng rơnuk pơjing hăng pơđĭ kyar lŏn ia.

Hrŏm hăng anun jơlan gah “ha guai hiam klă, giang mah gru grua, ngă hrŏm djop mơta, hơđong kjăp sui thun”, tơlơi rô nao rai Việt Nam - Kur ƀu pơdơi hơkrŭ kjăp hăng pơđĭ kyar amăng djop mơta bruă, ba glăi tơlơi dưi sit nik brơi mơnuih ƀon sang dua bơnah, pơgôp prong prin amăng pơhlôm rơnuk rơnua, hơđong, ngă hrŏm amăng kual hăng jar kmar.