Hơmâo rơbêh 700 čô mơnuih mut jơnum, amăng mrô anai hơmâo lu khua mua pơ ala mơ̆ng jar kmar, anom bruă kơphê rŏng lŏn tơnah-ICO, bơnah ngă hrŏm sĭ mơdrô mơ̆ng dêh čar : Angle, Đưk, Japan, Mi, Australia, Singapore, Hàn Quốc, Khač, Brazil....Jơnum anai pơtum nao boh yom phun tong ten amăng bruă kơphê kah hăng: Tơlơi pơhing anih sĭ mơdrô kơphê rŏng lŏn tơnah, anăp nao bruă blơi kơphê pioh mơñum; hơdôm rơnoh pơkă hiam klă, tŭ yua mơ̆ng bruă pla kơphê....

Hrŏm hăng anun, ƀing khua mua pơ ala ăt pơčrong sai tơlơi gơgrong ba mơ̆ng sang bruă sĭ mơdrô amăng bruă pơđĭ tui anŏ hiam kơphê Việt Nam hăng čih anăn ngă gru kơphê Ƀuôn Ma Thuôt-anih kơphê rŏng lŏn tơnah nao truh; tơlơi pơhing sĭ mơdrô kơphê, pơtong rơđah, anăp ĕp anih anom sĭ mơdrô kơphê hăng anŏ ngă gun mơnuih blơi yua kơphê rŏng lŏn tơnah ră anai, pơsit anăp či ba sĭ mơdrô kơphê kơ anom bruă kơphê Việt Nam.