Hơdôm bruă hơmâo sem lăng, pơsit amăng jơnum anai djru brơi kơ bruă dưm dăp, hơbot anih anom mă bruă, lăp djơ̆ hăng tơlơi kiăng prong hloh amăng lŏn ia ta amăng rơnuk phrâo. Anai lĕ bruă glăk hơmâo tơlơi tŭ ư hrŏm, tơlơi dong yua mơng ƀing apăn bruă, mơnuih Ping gah hăng mơnuih ƀôn sang, kah hăng ngă atur brơi kơ bruă pơphun, ruah mơnuih apăn bruă amăng Jơnum tal 14 mơng Ping gah; ruah Khua pơ ala mơnuih ƀôn sang dêh čar tal 16 hăng Khul pơ ala mơnuih ƀôn sang djop gưl rơwang thun 2026-2031. Hrŏm hăng anun, Khua pơ ala mơnuih ƀôn sang dêh čar sem lăng, pơsit, hmao tlôn pơsir hĭ tơnap tap, gun găn kơ hơdră bruă, ngă pơtrut kơtang kiăng pơgiong anih anom, ngă yua klă ngăn rơnoh, ba glăi tơlơi gal pơđĭ kyar phrâo, kiăng ngă tui truh kih hơdôm hơnong pơkă Jơnum tal 13 mơng Ping gah ba tơbiă.

Ăt amăng jơnum anai, Khua pơ ala mơnuih ƀôn sang dêh čar sem lăng, tŭ yap 4 črăn tơlơi phiăn: tơlơi phiăn pơphun bruă Kơnuk kơna (čih pơkra glăi); tơlơi phiăn pơphun bruă gong gai ƀon lan(čih pơkra glăi); tơlơi phiăn čih pơkra glăi, pơhrua sa, dua črăn amăng tơlơi phiăn pơphun bruă Khua pơ ala mơnuih ƀôn sang dêh čar; tơlơi phiăn čih pơkra hră pơ-ar djơ̆ tơlơi phiăn (čih pơkra glăi). Jơnum anai him lăng mă bruă amăng 6 hrơi mơkrah, dong mơng lơ 12 truh lơ 19/2/2025.