Khua git gai pơ ala mơnuih ƀon sang dêh čar ơi Vương Đình Huệ git gai mông jơnum. Pơgôp hiăp amăng mông jơnum, lu khua mua lăi pơtong, tơlơi pơtrut mrô 594 mơng Jơnum min apăn bruă Khua pơ ala mơnuih ƀon sang dêh čar črâo ba bruă krăo lăng mơng Khul pơ ala mơnuih ƀon sang djop gưl lĕ tơlơi phiăn yôm phăn, sit nik kiăng ngă pơplih phrâo tui jơlan gah ha amăng plĕ, tŭ yua mơng bruă krăo lăng amăng hơdôm anih anom mơnuih ƀon sang ruah pơdong.

Amăng mông pơgôp hiăp, Khua git gai pơ ala mơnuih ƀon sang dêh čar ơi Vương Đình Huệ rơkâo Khul pơ ala mơnuih ƀon sang hơdôm boh tơring čar, ƀôn prong ngă tui klă 6 bruă jao akŏ phun, amăng anun, kơsem min, pơplih pơkra, pơhrua kiăng ngă tui ha amăng plĕ hơdôm hơdră bruă phrâo mơng Ping gah, Kơnuk kơna, sit biă ñu hơdôm tơlơi pơtrun mơng Ding jum kơđi čar kơ bruă pơđĭ kyar bơwih ƀong huă-mơnuih mơnam hơdôm kual.