Ơi Võ Văn Thưởng, Ding kơna Ding jum kơđi čar, Khua apăn bruă Ping gah hơmâo nao jơnum hăng đĭ pơhiăp git gai mông jơnum. Đĭ pơhiăp amăng mông jơnum, ơi Võ Văn Thưởng rơkâo gơnong bruă pơphun pơjing Ping gah pok pơhai djop mơta bruă, ha amăng plĕ dua tơlơi pơtrun mơng Khul apăn bruă Ping gah tal 13, tŏ tui pơphô bruă pơjing hơdôm tơlơi pơkă mơng Ping gah pơhlôm ha amăng plĕ, na nao.

Lăi pơtong kiăng pơplih phrâo lu ƀiă dong amăng bruă ruah ƀing apăn bruă, pơhlôm brơi tơpă sit, hmư̆ mơng djop bơnah, hluai tui hơdôm bruă mă tong ten mơng ƀing apăn bruă hăng khul grup, ngă tui klă bruă sem lăng ƀing apăn bruă pơlir hăng bruă glăm ba hơdôm bruă ƀing gơñu ngă.