Pơhiăp amăng mông jơnum Kơ-iăng Khua dêh čar ơi Lê Minh Khái pơsit, pơ̆ anăp anai bruă sĭ mơdrô ƀơi rŏng lŏn tơnah hmâo jơlan gah ƀiă tui; bruă bơwih ƀong sĭ mơdrô bưp lu tơlơi tơnap, bơdjơ̆ nao truh mơnuih mă bruă, bruă mă, prăk pơhrui glăi mơng mơnuih mă bruă, anô̆ pioh glăi mơng klin Covid-19 sui, ayuh hyiăng ƀu klă ngă, kơthel ia ling dăo ƀu djơ̆ bơyan, tơnap pơkă lăng hlâo... yua anun bruă mă “Ƀu hmâo hlơi lui lơi gah tlôn” ba tơbiă amăng bruă ngă tui hơdră bruă hrŏ trun ƀun rin kơjăp phik lĕ ƀu amuñ ôh.

Yua anun, Kơ-iăng Khua dêh čar rơkâo, Sang prăk Kơnuk kơna Việt Nam črâo ba Sang prăk gah hơdră bruă mơnuih mơnam đing nao pel ĕp, pơplih pơkra, pơhrua nao, ngă giong hơdôm tơlơi pơkă amăng tơlơi phiăn; hơdră pơkă, hơdră bruă bơdjơ̆ nao truh brơi čan prăk gah hơdră bruă mơnuih mơnam kah hăng iâu pơhrui, wai lăng hăng mă yua ba glăi bôh tơhnal hloh hơdôm ngăn rơnoh prăk čan gah hơdră bruă mơnuih mơnam./.