Hăng tơlơi pơsit tong ten, tŭ mă hơdôm tơlơi pơgôp hiăp mơng Khua pơ ala mơnuih ƀon sang, amăng mông jơnum lok 4 laih rơgao, Khua pơ ala mơnuih ƀon sang pơsit aka ƀu tŭ yap tơlơi phiăn khăm pơjrao (čih pơkra glăi) yua dŏ lu tơlơi pơmĭn phara amăng hơdôm tơlơi pơkă.

Amăng anun, hơdôm hơdră bruă ba tơbiă amăng črăn tơlơi phiăn aka ƀu pơsir hĭ hơdôm tơlơi dŏ gun amăng hơdră ngă pô mơng hơdôm sang ia jrao. Sit biă ñu, bruă ngă pô mơng anih anom khăm pơjrao Kơnuk kơna aka ƀu pơsit tong kiăng hơdôm anih anom dưi ngă tui phara tui hluai anih. Mơng anun pơgôp hrưn đĭ klă dong amăng bruă mă, khăm pơjrao, djơ̆ hăng tơlơi rơkâo mơng mơnuih ƀon sang.