Pơ ala brơi Khua mua pơ ala mơnuih ƀon sang, đĭ pơhiăp amăng mông jơnum , Kơ-iăng Khua git gai pơ ala mơnuih ƀon sang dêh čar ơi Trần Thanh Mẫn brơi thâo, amăng thun blan laih rơgao, Khua pơ ala mơnuih ƀon sang dêh čar Việt Nam tŏ tui pơplih phrâo, mă bruă hur har hăng lăp djơ̆, ngă tui pran gơgrong, kjăp amăng bruă pơtom hiăp, pơgôp tŭ yua amăng bruă ngă tui jơlan gah pơtom hiăp rơngai, ngă pô, rơnuk rơnua, giang mah, djop mơta, djop bơnah, ba glăi rup rap, hơdrưh ang mơng dêh čar Việt Nam amăng jar kmar mơng Ping gah hăng kơnuk kơna ta.

Pơ anăp anai. Ƀirô Khua pơ ala mơnuih ƀon sang dêh čar amra tŏ tui pok pơhai hơdôm tơlơi črâo trun pơprong mơng Ping gah amăng ngă tui tơlơi gơgrong ba jơlan hlâo amăng pơtom hiăp, pơjing bruă pơtom hiăp djop mơta, pơdah amăng 3 tơlơi akŏ phun anun lĕ pơtom hiăp Ping gah, pơtom hiăp Kơnuk kơna hăng pơtom hiăp mơnuih ƀon sang, amăng anun đing nao tơlơi gơgrong amăng pơtom hiăp Ƀirô Khua pơ ala mơnuih ƀon sang dêh čar amăng djop hơdră bruă pơtom hiăp mơng Việt Nam.