Amăng mông jơnum, Khua git gai pơ ala mơnuih ƀon sang dêh čar ơi Vương Đình Huệ rơkâo hruă kjăp ngă tui bruă čih pơkra tơlơi phiăn kah hăng bruă prap lui hră pơ-ar mơ-it Khua pơ ala mơnuih ƀon sang dêh čar tui tơlơi pơkă; pơsir hĭ khut khăt kiăng mơ-it hră pơ-ar hơdôm akŏ bruă ngă ƀu djơ̆ thun blan pơkă, ƀu pơhlôm klă hloh.

Pơđut mông jơnum, Khua git gai pơ ala mơnuih ƀon sang dêh čar ơi Vương Đình Huệ lăi rơđah, jơnum ƀu tui tơđar pơphun ƀiă hrơi, pơgôp hiăp, pơsit hơdôm bruă ječ tui tơlơi rơkâo sit nik samơ̆ ăt pơhlôm ngă tui djop mơta tui tơlơi pơkă mơng tơlơi phiăn. Khua git gai pơ ala mơnuih ƀon sang dêh čar rơkâo Kơnuk kơna, hơdôm anom bruă amăng Ƀirô Khua pơ ala mơnuih ƀon sang dêh čar, sang phat kơđi, anom bruă pơsir kơđi tơlơi, Anom jŭ yap dêh čar, Jơnum min djop djuai ania mơnuih mơnam, djop khul grup kơđi čar-mơnuih mơnam ječ ameč prap lui Jơnum lok 5, Khua pơ ala mơnuih ƀon sang dêh čar tal XV.