Boh yôm phun mơ̆ng jơnum anai sem glăi bruă prăp lui hăng pơgôp hiăp boh yôm phun, hơdră jơnum ƀu lăi hlâo lok 2, khua mua pơ ala mơnuih ƀôn sang dêh čar tal 15 hăng pơgôp hiăp kơ akŏ bruă pơkă hnong abih bang amăng dêh čar mơ̆ng thun 2021-2030, lăng nao truh thun 2050.

Tui hăng tơlơi pơkă amăng Tơlơi phiăn pơkă hnong thun 2017, bruă pơkă hnong dêh čar lĕ, sa bruă mă yôm hloh, tui hluai pơpha kual hăng lir hơbit djop kual amăng dêh čar hơmâo lŏn mơnai, bul pơtâo ia rơsĭ, khul plao ia rơsĭ, kual guai dêh čar amăng ia rơsĭ hăng kual guai amăng adai rơngit; glông bruă pơkă hnong plơi prong hăng kual plơi pla; jơlan glông pơtruh nao rai, mă yua kông ngăn lŏn glai hăng pơgang  ayuh hyiăng anih dŏ; pơhlôm pơgang tơlơi truh lŏn adai ngă, bong glăi tơlơi pơblih ayuh hyiăng, pơgang klă tơlơi rơnuk rơnua hăng mut phung jar kmar.

Ăt amăng hrơi anai mơ̆n, Jơnum min apăn bruă phun pơ ala mơnuih ƀôn sang pơgôp hiăp kơ tơlơi phiăn pơkă lăng pơjrao duam ruă čih pơkra glăi hăng pơƀut bruă mă, pơtong glăi ngă tui Hră pơtrun mrô 30, jơnum lok sa, khua mua pơ ala mơnuih ƀôn sang dêh čar tal 15, rơkâo ngă tui sa dua mơta bruă phrâo, jơlan hơdră, tơlơi phiăn pioh kơ bruă ia jrao.