Sa amăng hơdôm tơlơi yôm hơmao Jơnum min khua apăn bruă git gai pơ ala mơnuih ƀon sang pơgôp hiăp mơguah lơ 13/2 lĕ bruă brơi hră pơ-ar, prăk kăk kơ hơdôm bruă mă, kơčăo bruă gah Jơlan hơdră rŭ glăi hăng pơđĭ kyar bơwih ƀong huă - mơnuih mơnam tal 2. Tui anun, mrô prăk dŏ glăi mơng Jơlan hơdră aka ƀu hơmâo brơi, jao kơ hơdôm ding jum anom bruă gưl prong hăng ƀơi tơring čar lĕ 28 rơbâo 862 klai prăk.

Hăng 129 mơta bruă mă, hăng mrô prăk tuh pơ plai him lăng 14 rơbâo 710 klai prăk hơmâo djŏp hră pơ-ar ngă bruă laih, dưi jao glăi prăk mơng Jơlan hơdră ngă bruă kiăng Khua dêh čar pơpha brơi prăk, Jơnum min khua apăn bruă git gai Ping gah kiăng Kơnuk kơna lăng glăi tong ten kơ hrơi mông ngă giong kơčăo bruă; brơi prăk tañ mơtăm kơ hơdôm kơčăo bruă rơđah rơđông, pơphun ngă tañ.