Hlâo kơ anun, ƀơi mông jơnum lok 4, Ƀirô khua git gai pơ ala mơnuih ƀon sang dêh čar tal 15, lu khua mua tŭ ư kiăng pơtrun Tơlơi phiăn pơgang lŏn ia. Rơngiao kơ anun, lu tơlơi pơgôp hiăp mơng ƀing khua kiăng lăng glăi hơdôm mrô pơkă bruă pơgang lŏn ia đah mơng dưi ngă. Tui anun, mrô 1 lĕ pơgang, pơsir tơlơi truh lŏn adai ngă, tơlơi truh hơmâo amăng tơring glông, mrô 2 lĕ tơlơi truh amăng tơring čar. Pơkă mrô amăng bruă pơgang tơlơi truh jing atur pơkă tơlơi dưi pơtrun, lui hĭ laih anun hơdôm hơdră hơmâo mă yua amăng rim bruă pơgang tơlơi truh mơng lŏn ia.

Ăt amăng hrơi anai mơn, Jơnum min apăn bruă git gai pơ ala mơnuih ƀon sang dêh čar klah čun glăi mông jơnum ƀu tui tơđar tal 2 hăng tal 3, Ƀirô khua git gai pơ ala mơnuih ƀon sang dêh čar tal 15; sem lăng, pơsit brơi Tơlơi pơtrun pơtô mă yua Tơlơi pơkôl pơkă jơnum Khua git gai pơ ala mơnuih ƀon sang dêh čar laih anun sem lăng Tơlơi pơtrun kơ bruă mă, tơlơi dưi hăng hơdră ngă bruă mơng Anom bruă khua čih pioh laih anun sem lăng hră lăi pơthâo bruă mơnuih ƀon sang hơduah tơña mơng Ƀirô khua git gai pơ ala mơnuih ƀon sang blan 12/2022 hăng blan 1/2023.