Pô pơ ala Nguyễn Anh Trí, grup ƀon prong Hà Nội brơi thâo: Bruă čih pơkra tơlơi phiăn kiăng pơsit jing tơlơi phiăn hơdôm jơlan hơdră, tơlơi pơtrun mơng Ping gah, Kơnuk kơna kơ pơhlôm ba tơlơi dưi ană mơnuih, pok pơhai ngă tui tơlơi pơkă mơng Hơdrôm tơlơi phiăn Mơnuih ƀon sang hăng tơlơi phiăn bơdjơ̆ nao kơ pơplih drơi jăn đah kơmơi đah rơkơi, tơlơi dưi mơng pô pơplih đah rơkơi jing đah kơmơi ƀudah kơđai glăi.

Bruă čih pơkra tơlơi phiăn kiăng pơplih đah kơmơi đah rơkơi đah mơng pơsit brơi tơlơi pơkă mrô 37 mơng Tơlơi phiăn Mơnuih ƀon sang, djơ̆ hăng tơlơi kiăng mơng ƀing kiăng pơplih glăi drơi jăn anăn iâu ƀing ñu, hơmâo pơplih drơi jăn đah kơmơi jing đah rơkơi, đah rơkơi jing đah kơmơi tui tơlơi phiăn, đah mơng dưi hơdip djơ̆ hăng drơi jăn yang pơjing kơ ƀing gơñu.