Kiăo tui anun, tơring čar Gia Lai ba tơbiă lui hĭ 5 gơnong bruă anun lĕ: Gơnong bruă jơlan nao rai dŭ pơgiăng, Gơnong bruă kơčăo bruă hăng tuh pơplai, Gơnong bruă wai lăng tơlơi pơhing hăng pôr pơhing, Gơnong bruă wai lăng mơnuih mă bruă, tơhan rơka ruă hăng mơnuih mơnam, Gơnong bruă pơtom hiăp, Hrŏm hăng anun pơjing phrâo 2 gơnong bruă lĕ: Gơnong bruă djuai ania hăng tơlơi đăo; Gơnong bruă đang hmua hăng rơhuông adai lŏn mơnai.

Tơlơi ba tơbiă anai hluai tui Tơlơi pơtrun pơsit 18 kơ pơplih phrâo, ngă rơbô̆t bruă mă hăng Klah čun mrô 50 mơ̆ng Ding jum kơđi čar, pioh plai ƀiă bơrơkua bruă mă, đĭ bôh tŭ yua bruă čar hăng pơkrem prăk mă yua. Jơnum min mơnuih ƀôn sang tơring čar Gia Lai pơtŏng sit bruă dưm dăp amra dưi ngă tui kơđiăng, pơhlôm bôh tŭ yua mơ̆ng mơnuih apăn bruă, mơnuih mă bruă čar hăng ƀu tơ̆i đưn bruă wai lăng, git gai./.