Ƀơi mông jơnum, ƀing khua mua hơmâo pơgôp lu hiăp lăi nao kơ boh tơhnal dưi ngă amăng bruă ngă hrom thun blan rơgao; anŏ gêh găl, tơnap nap, kơƀah, tơlơi hrăm; hơdôm bruă mă tŭ yua kiăng pơtrut tui boh tơhnal mă bruă đing nao kơ tơlơi hơdip mơda mơnuih mă bruă mut phung, akŏ pơjing phung mơnuih mă bruă ngă kông ñơn Việt Nam kơtang hloh, djru hrom yôm amăng bruă ngă tui giong tơhan pơkă amăng Hră pơtrun jơnum ping gah tal XIII.

Khua dêh čar lăi, Ping gah, Kơnuk kơna đing nao biă mă kơ phung mơnuih mă ngă kông ñơn rơnuk phrâo, prong tui, kơtang hloh hăng anom bruă mơnuih mut phung kjăp, lăng anun tơlơi gêh găl blung hlâo hloh pơsit tŭ yua amăng bruă mă pơblih phrâo, mă bruă yua măi mok, pơblih phrâo lŏn ia hăng mut phung jar kmar. Tui hăng anun, khom akŏ pơjing khul mơnuih mut phung ƀudah mơnuih tơpuôl Việt Nam kjăp kơtang hlom bom, thâo rơgơi bong glăi kơtang tơlơi lông lăng laih anun pơsir klă djop bruă hơmâo pơtrun laih amăng rơnuk phrâo.