Khua mir sir ơi Nguyễn Xuân Phúc nao jơnum hăng mơak hrom abih bang khua mua, mơnuih ngă bruă adoh suang. Ƀơi mông jơnum, Khua mir sir ơi Nguyễn Xuân Phúc hơmâo jao miđai mrô klâo kơ abih bang mơnuih mă bruă amăng sang bruă adoh suang  laih anun kơ mơnuih kơhnâo adoh suang Nguyễn Xuân Bắc.

Ƀrô tal anai, sang bruă adoh suang prong hơmâo pơphun lu bruă mă, hơdră tơlơi adoh suang mơak blan 12, pơdoh tơlơi ngă sen hmư̆ hing, hơmâo hơdôm tơlơi ngă sen adoh suang anăn : Đêm trắng, Kiều, Bệnh sĩ, Bão tố Trường Sơn, Điều còn lại, Người trong cõi nhớ, Người tốt nhà số 5, Người yêu hoa hậu. Anai lĕ hơdôm tơlơi ngă sen adoh suang lăi nao gru grua phun dêh čar, rơnuk blah wang hơkrŭ kơ lŏn ia truh kơ tơlơi kiăng ră ruai tơlơi pơhing hlăk hơmâo ră anai, amăng tơlơi hơdip mơda rơnuk anai, kiăng pơtong rơđah bruă ngă pơblih phrâo mơ̆ng sang bruă adoh suang prong ră anai.