Nao jơnum hrŏm hơmâo ƀing khua mua gah ling tơhan mơnuih ƀôn sang Việt Nam, ƀing khua mua jơnum lăi pơtong, tơlơi găl hăng anŏ aka ƀu găl, boh tơhnal dưi ngă amăng khul ling tơan ngă tui Tơlơi phiăn khua tơhan mơnuih ƀôn sang Việt Nam thun 1999. Rơgao 10 thun ngă tui Tơlơi phiăn anai tơdơi kơ anun hơmâo ngă gêh găl kơ bruă hơduah ĕp atur tơlơi phiăn, hră pơtrun akŏ pơdong bruă ling tơhan kjăp kơtang, tŭ yua, ngă tơmeh phun akŏ pơdong bruă ling tơhan mơnuih ƀôn sang hơkrŭ Việt Nam, beč bal, pơblih phrâo hăng man pơdong lŏn ia Việt Nam mơnuih mơnam ngă pô hăng bơkơnar.

Klah čun ƀơi mông jơnum, Khua tơhan krên dên ơi Phan Văn Giang pơčrâo rơđah: Bruă mă lăi pơthâo râ̆o pơhmư̆ čih pơkra hơdrôm hră tơlơi phiăn ƀơi anŏ djơ̆ thun ƀu hmao kiăo tui hăng tơlơi hơmâo sit nik. Pơkă kơ bruă mă, mơnuih ngă khua hăng grat akă brơi ƀing khua tơhan ƀơi lu sang bruă, puih kơđông aka ƀu gêh găl. Ngă tui tơlơi phiăn khua tơhan ră anai dŏ lu tơlơi gun, yua pơphun bruă mă gah ling tơhan hơmâo lu tơlơi pơblih, ăt čih ming pơkra glăi laih hơbôt hloh, kiăng kjăp kơtang.