![VOV/Siu H' Prăk pơblang](/themes/custom/vov_4/images/avatar.png)
Pơsit jơlan gah gum hrŏm bruă mă pơ̆ anăp anai, Khua dêh čar ta lăi rơđah dong sa dua mơta bôh yôm hmâo sa bruă jao phun. Amăng anun, bruă phun lĕ pơđĭ dlông hloh dong anô̆ klă, bôh tơhnal bruă gum hrĭm kơplah wah dua bơnah. Dua lĕ, đing nao bơwih brơi tơlơi hơdip mơda pran jua hăng gơnam tam mơ̆ng mơnuih mă bruă.
![Khua dêh čar ta ơi Phạm Minh Chính git gai mông Jơnum](https://vov4-media.solidtech.vn/sites/default/files/styles/large/public/2024-05/thu%20tuong1%20%284%29.jpg)
Pơtrut kơtang pơtom hiăp, bơkơtuai khul, phun ñu lĕ prăk blan, prăk apah bơni, hrơi mông mă bruă, mông pơdơi pơdă, pơhlôm klă hơdjă amăng bruă mă; bơwih brơi mơnuih ƀu hmâo hlơi kơnang, hmâo tơlơi hơdip mơda tơnap tap, kual asuek, ataih, guai dêh čar, bul ia rơsĭ. Khua dêh čar ta lăi rơđah, khom phara đing nao tơlơi sang dô̆ kơ mơnuih mă bruă. Klâo lĕ, đing nao pơgang tơlơi dưi, bôh tŭ yua djơ̆ phiăn kơ mơnuih mă bruă tui Phiah phiăn, tơlơi phiăn hăng tui jơlan gah, hơdră pơtrun, hơdră bruă mơ̆ng Ping gah. Kơtưn pel ĕp, hơduah tơña, lăng tui bruă ngă tui hơdră bruă, tơlơi phiăn hmâo bơdjơ̆ nao tơlơi dưi, bôh tŭ yua mơ̆ng mơnuih amăng khul, mơnuih mă bruă hăng khul mut phung./.
Viết bình luận